Retos

AugaTech enmárcase nun modelo de innovación pública que impulsa solucións novas para necesidades reais, combinando coñecemento técnico, tecnoloxía e vocación de servizo público. O proxecto estrutúrase arredor de dous grandes retos, que responden a dúas dimensións complementarias da xestión da auga: AquaIA e AquaTwin.

AquaIA

A mellora na interacción cidadá en tempo real con Augas de Galicia

AquaIA é unha solución baseada en intelixencia artificial que permite un acceso máis áxil, sinxelo e personalizado á información sobre a auga. A través desta ferramenta, a cidadanía pode relacionarse coa administración de forma máis directa, clara e eficiente.

O proxecto nace coa finalidade de crear unha nova canle de comunicación entre Augas de Galicia e a cidadanía, facilitando unha interacción en tempo real que contribúe a mellorar a transparencia, optimizar os procesos administrativos e impulsar a participación pública.

Deste xeito, AquaIA achega un acceso avanzado á información hídrica, adaptado ás necesidades de cada persoa, ao tempo que establece unha comunicación continua coa administración. Isto permite reforzar a relación entre cidadanía e institucións, promovendo un maior coñecemento da actividade pública e favorecendo unha participación máis activa na xestión da auga.

En conxunto, AquaIA supón un paso adiante cara a un modelo máis aberto, accesible e eficiente, no que a tecnoloxía se pon ao servizo da cidadanía para mellorar a súa experiencia e a súa capacidade de interacción coa administración.

Obxectivos do proxecto

• Facilitar o acceso á información e ao coñecemento para a cidadanía 
• Fomentar a autonomía da cidadanía na súa relación coa administración 
• Promover o coñecemento da Administración Hidráulica de Galicia (AHG) 
• Fomentar a participación pública e o acceso aos servizos da Administración Hidráulica de Galicia 
• Recollida e análise de información en tempo real da cidadanía 
• Divulgar a información relevante en torno a xestión da auga en Galicia 
• Facilitar a tramitación de procedementos administrativos 
• Impulsar un modelo de interacción bidireccional e proactivo 

AquaIA baséase nun sistema integrado e intelixente, deseñado para evolucionar de forma continua e adaptarse ás necesidades da cidadanía, ofrecendo unha experiencia accesible e personalizada.

Capacidades do sistema

• Asesoramento en comunicación baseado na análise de tendencias e opinións sociais.
• Acceso e análise avanzada de información estatística.
• Aprendizaxe continua do sistema mediante adestramento permanente.
• Plataforma integral para a xestión de redes sociais.

Relación coa cidadanía

• Difusión da actividade de Augas de Galicia.
• Fomento da sensibilización cidadá en materia hídrica.
• Impulso da participación en iniciativas relacionadas coa auga.

Servizos personalizados

• Asistencia autónoma e personalizada na xestión da auga.
• Acceso interactivo, sinxelo e adaptado á información de Augas.
• Apoio na tramitación de procedementos administrativos.
• Facilitación da participación cidadá na xestión dos recursos hídricos.

Intelixencia social e detección

• Captación e análise de tendencias e opinións sociais en tempo real.
• Detección temperá de incidencias e eventos relevantes.

Especificacións xerais de AquaIA

• Interacción en galego e castelán. 
• Especialización no sector da auga. 
• Capacidade de autoaprendizaxe. 
• Adestramento permanente do sistema. 
• Sensibilidade fronte á fenda dixital e tecnolóxica. 
• Funcionamento multiplataforma. 
• Integración co resto de sistemas de Augas de Galicia. 
• Desenvolvemento en código aberto. 
• Arquitectura modular e escalable. 
• Garantía de seguridade e privacidade, especialmente dos datos da cidadanía. 
• Interaccións coa cidadanía libres de sesgos discriminatorios.

AquaTwin

Xemelgo dixital para a xestión avanzada de presións sobre concas hidrográficas

AquaTwin dispón de solucións innovadoras que permiten abordar a monitorización e xestión de presións sobre as concas hidrográficas de Galicia-Costa baixo un paradigma de asistencia á toma de decisións informadas en base a análisis avanzados de escenarios. 

Ten como obxectivo mellorar a xestión dos recursos hídricos da Demarcación Galicia Costa por parte dos técnicos de Augas de Galicia 

Obxectivos do proxecto

• Mellorar a xestión integral dos recursos hídricos
• Fortalecer a resiliencia ante o cambio climática
• Cumprir cos obxectivos ambientais europeos
• Fomentar a participación e concienciación cidadá
• Optimizar os recursos operativos de Augas de Galicia 

Especificacións xenéricas

• Interacción en galego e castelán 
• Integración de datos de diversas fontes 
• Integrada co resto de sistemas de Augas 
• De código aberto 
• Modular e escalable 
• Deberá permitir a colaboración de diferentes actores involucrados na xestión da auga